නියෝජ්‍ය විදුහල්පති පණිවිඩය

මාර අලපලාදෙණිය මහා විද්‍යාලය (ජාතික පාසල) එහි වෙබ් අඩවිය දියත් කරන මේ මොහොත, විද්‍යාලීයීය ඉතිහාසයේ සුවිශේෂී අවස්ථාවකි.

පාසල ආරම්භයේ සිටම ඉගෙනුම් ඉගැන්වීම් ක්‍රියාවලිය මගින් මෙන්ම විෂය සමගාමී ක්‍රියාකාරකම් තුළින් ද අඛණ්ඩව රඳවාගත් කීර්තියක් වර්තමානය දක්වාම රැකගත් විදුහලක, නියෝජ්‍ය විදුහල්පතිනිය දෙස සේවය කරන්නට ලැබීම මා ලද භාග්‍යයක් කොට සලකමි. එකී කීර්තිය තවදුරටත් විහිදුවාලන අන්දමින් කටයුතු කිරීමට මාගේ සේවා කාලය තුළ ලබාදිය හැකි උපරිම දායකත්වය ලබා දෙමින් සිටිමි. මෑත අතීතයේ පාසලේ ඉතිහාසය තුළ සුවිශේෂී ජයග්‍රහණ ලබමින් ප්‍රදේශය පුරා සිය කිතුගොස නැංවීම ඊට සාක්ෂි දරයි.

ඉදිරියටත් පාසල එහි දියුණුවේ හිනිපෙත්තට රැගෙන යාම සඳහා පාසලේ වත්මන් නායකත්වය ගෙන යනු ලබන වැඩපිළිවෙළ සඳහා සක්‍රිය දායකත්වය සැපයීම මාගේ ඒකායන අරමුණයි. මේ සඳහා අප පාසලේ ගුරු සිසු සැමටත්, දෙමාපියන්ටත්, ආදි ශිෂ්‍ය ප්‍රජාව හා සුභ පතන්නන්ටත් අප හා එක්වන ලෙස ගෞරවයෙන් ඇරයුම් කරමි.